میں اکثر بھول جاتا ہوں۔۔۔۔۔۔۔۔
کہاں خاموش رہنا تھا ۔۔۔۔،
کہاں شکوہ نہ کرنا تھا ۔۔۔۔،
کہاں جملہ نہ کَسنا تھا ،
کہاں ہرگز نہ ہنسنا تھا ،
کہاں نہ سر اُٹھانا تھا !!
کہاں غصّہ دبانا تھا ،
کہاں رشتہ بچانا تھا ،
کہاں پہ ہار جانا تھا۔۔۔۔۔۔۔
کہاں بس مسکرانا تھا ،
کہاں سب بھول جانا تھا،
کہاں نظریں جھُکانی تھیں ،
کہاں سوچیں چھپانی تھیں۔۔۔۔۔۔
کہاں پر معاف کرنا تھا ،
کہاں دل صاف رکھنا تھا،
کہاں نہ ضد لگانی تھی ،
کہاں چاہت دکھانی تھی ،
کہاں ہمت بڑھانا تھی ،
کہاں نیکی کمانی تھی ،
سَمے جب بیت جاتا ہے۔۔۔۔۔۔۔۔
مجھے سب یاد آ تا ہے۔۔.. !!!
ہر اک لمحہ ، ہر اک چہرہ ،
سبق اک دے کے جاتا ہے۔۔۔۔۔!!
مگر میں کیا کروں اپنا !!؟؟
میں کُنجی صبر کی رکھ کے۔۔۔
کہیں پہ بھول جاتا ہوں۔۔
میں اکثر بھُول جاتا ہوں۔۔۔۔۔۔۔۔
شاعر نا معلوم
