سلام اے اۤمنہ کے لال اے محبوب سبحانی
سلام اے فخر موجودات، فخر نوعِ انسانی
سلام اے ظلِ رحمانی، سلام اے نورِ یزدانی
ترا نقشِ قدم ہے زندگی کی لوحِ پیشانی
زمانہ منتظر ہے اب نئی شیرازہ بندی کا
بہت کچھ ہوچکی اجزائے ہستی کی پریشانی
زمین کا گوشہ گوشہ نور سے معمور ہوجائے
ترے پر تو سے مل جائے ہر اک ذرے کو تابانی
ترادر ہو مراسر ہو، میرادل ہوتیرا گھر ہو
تمنا مختصر سی ہے مگر تمہید طولانی
سلام اے اۤتشیں زنجیرِ باطل توڑنے والے
سلام اے خاک کے ٹوٹے ہوئے دل جوڑنے والے
(حفیظ جالندھری)
